Ti malago' yu' bai hu li'e' i finatai i fino' Chamoru
by Peter Onedera
Pacific Daily News
June 2, 2015
Annai ma empleha yu' para direktot prugråma gi i Kumision I Fino'
CHamoru, hu pega na unu este na petsonåt milågru para guåhu. Gi
tinituhon ayu na tiempo, hu eyak dinuebu i fino' CHamoru ni' hagas hu
honño gi maloffan na såkkan siha. Ayu i hagas tiningo' siha ha na'baya'
yu' gotpe ya måtto di ha na' apurao siñente-ku.
Sigun ginen i
kumisina siha para ayu na ahensia, taiguihi as Doktora Bernadita
Camacho-Dungca, si Rosa Salas Palomo, si Josefina Perez Barcinas, si
Sister Bernadette Quintanilla, si Juanita Toves Peredo, si Bill Paulino,
si Tan Ana Borja Garcia, si Frank San Nicolas yan i difunto as Doktot
Jeff D. Tainatongo, ma baba nuebu na mundo para guåhu ya hu tutuhon
kinahulo'-hu para bai hu gacha' nuebu na tiningo' siha put i
lengguahi-hu.
Ma tåla' yu' ni' i hestorian i fino' CHamoru ya gi
magåhet sentåya' tiningo'-hu put ayu ni' håfafa ha'. Ma sangåni yu' put i
rilasion-ña yan otro lengguåhi siha gi i uriya ya pumoddong gi i
familian Austronesian. Ti hu tungo' put utugrafiha ya hu espiha este na
palåbra gi i deksenårion Webster's put para bai hu tungo' håfa
kumeke'ilekña. Sumaonao ha' lokkue' i atfabeton CHamoru ya ha yåma
atension-hu sa' put i ma fa'nåna'gue esta gi i sesteman eskuelan
pupbleko.
Put mås, ayu gof takhilo' na hinekkå-ku na magåhet na
lengguåhi i fino' CHamoru. Enfin eraki håfa hu hongge ni' kulan parehu
yan noskuåntos taotao siha, ti påtte gi i fino' Españot i fino' CHamoru
sa' put i finedda' palåbra siha ginen ayu na lengguåhi. Hu eyak nuebu na
finiho', Chamorrocization ni' ineksplikåyi as difunto Doktot Donald
Topping gi i tinige'-ña lepblo Spoken Chamorro.
Kumeke'ilekña este na i
inadåpta yan inayao palåbra siha ginen otro na lengguåhi. Ma fa'nå'gue
yu' na i manaotao tåno' manma fuetsa para u faneyak pumalu lengguåhi
taiguihi i fino' CHapanes gi i tiempon gera, yan lokkue' enfin, kontodu
fino' Españot ni' dinira kåsi nomås di tres siklo na tiempo.
Pues
måtto i fino' Engles Amerikånu ya, lokkue', nuebu na areklo, na u ma
chomma' i tinaotao na u famfino' CHamoru putmås espesiåt gi lugåt
pupbleko yan eskuela siha. Ma månda este ni' i Estådos Militåt Navy, ya
este na aksion inekstendi yan chumenglong dekådu na tiempo siha ya ha
afekta lameggai na hinirasion CHamoru.
Ya estague' tumutuhon estao
pineddong ni' mumåtka i tiempo. Na'triste lokkue', i ma chomma' uson
lengguåhi ni' tumåddong gi kurason yan titanos Mañamoru, espesiåtmente,
mañaina ni' ma siente na dañuyan fumino' CHamoru sa' ti u maolek mo'na
hinanao-ñiha i famagu'on-ñiha. Måtto di ha sohyo' este na siñente gi
sanhalom mañaina ya ha afekta hinirasion siha na famagu'on sa' siempre
ti ma fakcha'i i guinifen Amerikånu para lina'la' ni' kabåles kollat
åpaka' gi uriyan guma', minaolek lina'la', yan ginesa yan minalago'
nuebu yan takhilo' na estao ni' chumilong siempre. Este lokkue'
tumutuhon tumunok-ña i hinasso put minantienen lengguåhi.
Bula,
kontåtki todu, na taotao Guåhan humokka este na hinasso ya ti åpmam na
ha palala'i i mayuriha na familia este na siñente. Estague' tumutuhon i
finakpo' asunto. På'go, na'dañu estao-ña i lengguahi-ta ni' nina'i ginen
mismo as Yu'os ya gaige gi iya kadenan Mari'ånas gi, sigun ginen rekot
siha, nomåsdi kuåtro mit na såkkan siha.
Bula malingu-ta put este.
Yanggen hu atan tåtte i lina'lå'-hu ni' hu na'chetton siñenten
minamåhlao put håyi yu' sa' put i eksperensiå-hu ni' ti maolek ya ha
dirihi despues i aksion-hu siha, isao yu'. Ti hu tungo' lamaolek ya hu
diseha na siña ha' mohon hu pañot ha' enlugåt di hu ketulaikan-maisa yu'
put para bai hu maolek gi i lengguåhi ni' ti iyo-ku put fin. Mistet, hu
fokos yu' kulan dipendiente yu' sigun put lina'lå'-hu na dinirecho.
Hu
hasso na hu eyak i tiningo' manå'paka', put kuentos, na hu hongge este
sigun ginen tinaitai-hu put sichu'asion Amerikånon Natibu osino
Manmo'nan Tinaotao Estådos Unidos. Mumaolek yu' ya kulan prubecho-ku
pues menos på'go i isao hu kåkatga. På'go sa' åmko' yu', hu dirihi yu'
mo'na para i fino'-hu put rason na bai hu fangontrebuyi gi i inadahi-ña.
Satisfecho yu' na hu giha i lina'lå'-hu gi este na direksion.
Hu
chalåni todu gi i nina'siñå-hu. Hu li'e' inengkebukao sinhostisia gi i
lengguahi-hu ya hu pañot lokkue' i insutto put i kinalamten inadahi-ña
yan gine'te-ña piot ginen i mismo CHamoru siha. Hu sungon ma faisen-hu
put håyi yu' noskuåntos biåhi piot yanggen sesso di ma sangåni' yu' na
sentåya' CHamoru esta på'go na tiempo, fino' yan tinaotao parehu. Hu
kåtga yan hu pañot i piniti-hu ginen pumalu siha, piot ginen kumetsiånte
yan inetnon sibit gi iya Guåhan, ni' manma pega tapbleru gi i sagan
humotnat ya ma månda na para fino' Engles ha' u ma na'setbe entre
manemplehao.
Tinakka' dekådu siha para bai hu fångge' fino'
CHamoru gi lucha gi iya PDN ya ha senhongang yu' si David Crisostomo
annai ha fåna' yu' ya ha faisen yu' bai hu tutuhon. Ti siguru yu' kao ha
tungo' si David, na iya PDN, gi tåtte na tiempo gi otro na påpblisha,
sumaonao iya PDN mamega tapbleru lokkue' ya ha månda i nina'setben fino'
Engles. Sumaonao yu' gi ayu na prinotesta kontra siha ya put fin ma
håtsa i minanda. Annai guaha un editot siudåt ni' hagan CNMI ya
maskeseha nå'an åpaka' apeyidu-ña lao annok na guaha hagå-ña CHamoru ya
ha dulalak yu' huyong ginen ufisinå-ña ya ha botleha yu' ni' sinangånña,
"mumanengheng Sasalåguan yanggen u annok i fino' CHamoru gi i pappet
di'årion PDN…" ya atan ha' på'go na guaha alos uttemo, humålom yu' håfa
mohon?
En fin, ha guaife gotpe i titanos-hu ya hu habao i chansa
maskeseha guaha presiu ni' debidi bai hu apåsi. Yanggen mångge' yu'
debidi u saonao i pinilå'-ña gi fino' Engles ya ma sangåni yu' na para u
annok i fino' Engles gi iyon-ñiha uepsait ya i fino' CHamoru gi i
pappet di'åriu. Ti hu kuestiona este na opottunidåt ni' mandådakdak
guihi na mumento ya ti malago' yu' na bai hu chånda.
Guaha ta'lo.
Imel Peter R. Onedera giya peteronedera@gmail.com
Showing posts with label Onedera. Show all posts
Showing posts with label Onedera. Show all posts
Wednesday, June 17, 2015
Tuesday, September 17, 2013
Taisangan na Areklamenton CHamoru
Ti hu tungo' na guaha taisinangan na areklamenton CHamoru
Sep. 17, 2013
Peter R. Onedera
Hu hanaoyi kåsi ocho na difirentes inetnon gi maloffan simåna, desde entieru yan lisåyu siha asta finattan åtte, metkao puengi, hunta siha, pinekkat yan feria ya lameggai kuentos manmalakngos put i lucha entre i CHamoru yan ayu i ti man CHamoru. Bula manengkubukao, guaha ti manmalago' manguentos, guaha mumenta i tai-guaiyayon i titige', yan guaha manlebbok ya ilek-ñiha na påchot ha' ta'lo put i kestumbren CHamoru.
Un taotao na afa'maolekon, ilek-ña, "estague' ta'lo un taifinakpo' ihemplo put un CHamoru ni' ha dispresia ta'lo CHamoru-ña."
Para guåhu, si Dudan Tomås yu' sa' ti siña na bai hu pega na taiguini yu' lokkue' tåtkumu ginen i ma tuge' put i CHamoru yan i dies na punto ni' ha pega ya hu kuestiona håfa rason na para u fångge' put este na asunto. Kao atburotao gui' na u tuge' este na lucha put para u takka' i asunto? Kao mampos i CHamoru siha taiguini annok na kostumbre guatu gi taotao sanhiyong ni' manmåtto mågi ya ni' unu gi iya hita tumungo' na ta na'a'annok este na kostumbre sin i tiningo'-ta?
Ha pega yu' este na hinasso gi dinida na bånda ya hu prupoponi na u ma ina este gi håfakao na hunta ni' u guaha deskutasion para i minaolek todu. Hu halåra mohon na ayu i taotågues ni' fumofotma i mamaila' na såkkan para Komferensian Hestorian Mari'ånas u konsedera na u ma na'guaha hunta para u ma deskuti este. Tåtkumu, u fanma agångi lokkue' CHamoru siha ginen Guåhan yan iya Notte Mari'ånas parehu ta'lo yan håyi ginen taotao sanlagu na Mañamoru kosaki u fanma lakngos hinasso yan siñente yan kao chilong yan i tinige' i titige'. Put mås, hu rikumenda na u ma kombida gui' ya guiya u ge'hilu'i i hunta ya ta fanma iduka mås.
Osino lokkue', nihi ya ta na'huyong este na asunto guatu gi i pupbleko sa' put i esta duru i kinalamten pulitikåt para finahan-botu yan i kinubren konsiensian CHamoru ni' manmambobota.
Entre todu, este ni' put inayek kandidåtu siha ni' siempre alos uttemo rumisutto gi primet ileksion gi mamaila' na såkkan, ta usa este na areklamenton taisinangan CHamoru para ta estudia kada kandidåtu ya ta li'e' kao a'nnok gi iya siha na ma tattitiyi i dies na areklamento.
Gi balan sais na areklo gaige na i CHamoru ya-ña manilihi sin håfa na hinasso maskeseha håyi na taotao achokha' kriminåt yan tramposu. Guaha estao finaisen ni' "kao u ayuda osino u na'dåñu i familiå-ku?" Maskeseha tåktamudu yu' lao mambobota yu' tåtkumu ayu i hu bobota para u cho'gue håfa ma nisisita u ma cho'gue para i islå-ta gi iya Guåhan. Nånalao, ti guåhu ha' guini na a'apas kontrebusion yan adu'åna yan ti guåhu ha' lokkue' na bebeta ya parehu yan i pumalu na taotågues, ha afekta yu' yan i familiå-ku i utilidåt, krima, setbision medikåt, sinafon pupbleko yan idukasion, yan pumalu siha.
Ti embidiosu yu' ni' ayu siha i manma ilihi para ufisinan pupbleko sa' estague' asigurao para kinahulo' enemigu siha yanggen ti ma fabot todu i pupbleko. Hu tungo' na makkat mampos cho'cho' pulitikåt ninungka na hu chagi gi un biåhi lao hu tungo' na mantaotao siha lokkue' i los prohimu siha.
Put uttemo, debidi i CHamoru u hasso kao magåhet i punto dies gi areklamento put aksion familia siha kontra aksion endebedu'åt. Nihi ya ta chagi este na areklo ya pues ta disidi kao efektibu yanggen ma usa.
Fa'na'an ginen i hagas na eskuela yu' sa' i hinengge-ku ni' kumahulo' yu' desdeki ma fañagu-hu asta i finatai-hu, memetgot ha' yan ti hu mimidi desde på'go ni' hu hago' i inamko'-hu.
Fuera di hu la'lå'yi i kredon i dies dinimåndan Yu'os ni' hu giha yu' tåtkumu Katoliku, hu tattiyi respetu para kosas, tåno', taotao yan manåmko'; inagofli'e' yan ninana'i para ayu i numisisita; mama'ihehemplo para i manhoben ni' para u ma tattiyi; siudadanon minaolek yan para u fila yan apåsi kontrebusion-hu tengnga, hu siente na lumå'la' yu' tåtkumu miche'cho' yan minina'huyong sin i taisinangan areklamenton CHamoru.
Hu tungo' put dinanche kontra linachi, minaolek kontra binaba yan hu praktitika i sesteman chenchule' gi kannai, setbisio, kosas yan salåppe'. Bula difekto-ku siha parehu yan pumalu ya maskeseha guaha ni' ti ya-hu siha gi maloffan hinasso-ku, hu tungo' put sinetsot yan inapas isao. Lao, yo'ase' yu', akomprendiyon yu', atbetton-hinasso yu', yan hu abiba todu bisita ni' manmåtto mågi gi i isla.
Hu tungo', desde hagas tåtte na tiempo, numa'suha siñente put taotao yanggen sahnge hinengge-ña, difirensiao lina'lå'-ña kontra iyo-ku, yan i kulot sensen-ña gof takpapa' gi fondon hinasso-ku ya hu sodda na gof maolek yu' put este. Akseptao yu' para håyi na taotao achokhå' taimanu lina'lå'-ña sa' ma sedi yu' na para bai hu unu yan noskuåntos na taotao sa' unu ha' guaha na mundo.
Måtto gi mampos CHamoru yu'. Ti CHamoru i apeyidu-hu, i hagå'-hu senmenos CHamoro maskeseha binaståtdon mesklao i CHamoru esta gi håfakao na råsa guini gi iya kadenan Mari'ånas, lao ti siña na bai hu sångan na engkubukao yu' put håyi yu'.
Hu tungo' håyi yu'. Yanggen manggai prublema i taotao put CHamoru-hu, pues prubleman-ñiha ennao. Hu tungo' ginen manu yu', taimånu kuma'hulo' yu' gi lina'lå-hu yan i hinanao-hu para mo'na. CHamoru yu'.
Tuesday, December 20, 2011
Prugraman Fino' Chamoru giya San Diego
Prugraman fino' CHamoru ginnen i gurupon PITI gi iya San Diego
by Pedro Onedera
Guam Pacific Daily News
December 20, 2011
Sigun gi nina'huyong emfotmasion ginen i Gurupon PITI gi iya San Diego, ma anunsia na manma nå'i siha fondon salåppe' ginen i Atmenestrasion Natibon Amerikånu para u ma kondukta dos-åños na Prugråman Fino' CHamoru ni' para u ma adahi i fino'håya giya Mari'ånas.
Para u ma go'te este na cho'cho' gi iya Destriton San Diego, un dångkolon kumunidåt CHåmoru gi sanlagu. Kinonsiste i che'cho' na u ma fotma yan gai'adilånto dosse-membro na gurupu entre hinirasion siha ni' para u ma na'guaha kinalamten put nina'setben fotmåt na fina'nå'guen fino' håya para u ma na'takfe'na i fuetsan mamfifino', mannanaitai, yan manmåmangge' fino' CHamoru åntes di i finakpo'-ña na tiempo.
Esta, guaha dosse-membro ni' kinonsiste as Erika Boatman, si Dorothy Aguon Cedillo, si Delia Cruz, si Ed Diaz, si Carmen Duenas, si Joashawa Elsas, si Bino San Nicolas Jones, si Diana Jordan, si Debbie Lizama-Blas, si Betsy Salas, si Joseph Salas yan si Alfonsina Tina San Nicolas. Gine'hilulu'i i prugråma as Randy Camacho yan inasisiste as Brienda Maanao Diaz.
Manhuhunta i gurupu para u ma planeha i hinanao-ña yan u taimanu ma susedi i prugråma sigun ginen plånon kinalamten gigon monhåyan i mamaila' na såkkan. Put fin, dinira idåt-ñiha i gurupu desdeki disi ocho asta nomåsdi sisenta åños ya mandadanña' rigulåt na tiempo gi iya Guma' Sons and Daughters of Guam gi i kumunidåt San Diego gi kantidån ora siha gi kada tinago' Såbalu.
Maolek entension-ña i gurupu ya gråsihas na ma nåna'i ånimu i fino'-ta tåtkumu malilingu lokkue' entre Mañamoru ni' manggaige gi i sanlagon Estådos Unidos ya maneståba guihi desdeki singkuenta yan kåsi sisenta na såkkan ni' kumontrebubuyi na u manminoriha i taotao Guåhan tåtkumu CHamoru siha gi i isla.
Håfa diniseha para u hago' i Gurupon PITI gi iya San Diego nu este na prugråma? Kumeke'ilekña na para u fanachetton håle' inafa'maolek para i mangahuhulo' na hinirasion ni' ayu ha' ma tungo' put i kadenan Mari'ånas håfa hiningok-ñiñiha ginen mañaina yan mamparentes. Kumeke'ilekña ta'lo na u ma na'lå'la' i fino' taotao ni' kulan ha tutuhon mumalingu gi kåsi maloffan trenta åños na tiempo ya ha pega i fino' håya na dañuyan kontiempo.
Guam Pacific Daily News
December 20, 2011
Sigun gi nina'huyong emfotmasion ginen i Gurupon PITI gi iya San Diego, ma anunsia na manma nå'i siha fondon salåppe' ginen i Atmenestrasion Natibon Amerikånu para u ma kondukta dos-åños na Prugråman Fino' CHamoru ni' para u ma adahi i fino'håya giya Mari'ånas.
Para u ma go'te este na cho'cho' gi iya Destriton San Diego, un dångkolon kumunidåt CHåmoru gi sanlagu. Kinonsiste i che'cho' na u ma fotma yan gai'adilånto dosse-membro na gurupu entre hinirasion siha ni' para u ma na'guaha kinalamten put nina'setben fotmåt na fina'nå'guen fino' håya para u ma na'takfe'na i fuetsan mamfifino', mannanaitai, yan manmåmangge' fino' CHamoru åntes di i finakpo'-ña na tiempo.
Esta, guaha dosse-membro ni' kinonsiste as Erika Boatman, si Dorothy Aguon Cedillo, si Delia Cruz, si Ed Diaz, si Carmen Duenas, si Joashawa Elsas, si Bino San Nicolas Jones, si Diana Jordan, si Debbie Lizama-Blas, si Betsy Salas, si Joseph Salas yan si Alfonsina Tina San Nicolas. Gine'hilulu'i i prugråma as Randy Camacho yan inasisiste as Brienda Maanao Diaz.
Manhuhunta i gurupu para u ma planeha i hinanao-ña yan u taimanu ma susedi i prugråma sigun ginen plånon kinalamten gigon monhåyan i mamaila' na såkkan. Put fin, dinira idåt-ñiha i gurupu desdeki disi ocho asta nomåsdi sisenta åños ya mandadanña' rigulåt na tiempo gi iya Guma' Sons and Daughters of Guam gi i kumunidåt San Diego gi kantidån ora siha gi kada tinago' Såbalu.
Maolek entension-ña i gurupu ya gråsihas na ma nåna'i ånimu i fino'-ta tåtkumu malilingu lokkue' entre Mañamoru ni' manggaige gi i sanlagon Estådos Unidos ya maneståba guihi desdeki singkuenta yan kåsi sisenta na såkkan ni' kumontrebubuyi na u manminoriha i taotao Guåhan tåtkumu CHamoru siha gi i isla.
Håfa diniseha para u hago' i Gurupon PITI gi iya San Diego nu este na prugråma? Kumeke'ilekña na para u fanachetton håle' inafa'maolek para i mangahuhulo' na hinirasion ni' ayu ha' ma tungo' put i kadenan Mari'ånas håfa hiningok-ñiñiha ginen mañaina yan mamparentes. Kumeke'ilekña ta'lo na u ma na'lå'la' i fino' taotao ni' kulan ha tutuhon mumalingu gi kåsi maloffan trenta åños na tiempo ya ha pega i fino' håya na dañuyan kontiempo.
Thursday, June 23, 2011
Fitma Pat Ti Fitma
Kao Bai Hu Fitma Patosino Ti Bai Hu Fitma
Peter Onedera
GUAM PDN
June 21, 2011
Desdeki ha na'huyong i Navy i dukumenton DEIS yan FEIS, hu baba atadok-hu yan talanga-hu put bai hu ketungo' ineppe siha ni' para u fanma prisenta.
Put para kinahulo' tinaotao, bula debidi u fanma konsidera desdeki guinahan uriya asta asunton susiåt-ikunumiha, yan ayu empottante-ku sigun ginen finakpo' todu manma sångan yan manma cho'gue, håfa u sopbla ni' siempre u ma fåna' ni' taotao-ta. Hunggan, guaha prinimeti put kantidån cho'cho' ni' u guaha, lao kuånto gi iya hita u fanman miresi ni' ginen este na cho'cho' siha? Yan kao magåhet u fanma empleha I taotao tåtkumu manaotao este na tåno'?
Ti åpmam na tiempo tåtte, ha na'huyong kinalamten finetman petision i inetnon Para Hita todu para u fanma rikohi kinse mit na finetma siha ginen taotao Guam ni' sumapopotte i hinatsan i militåt. Ha anunsia i gurupu na ayu mision-ñiha i para u na'huyong mensåhi guatu gi i Konggresson na ha sapopotte iya Guam i minueben Marines, Army, Air Force yan Navy na taotågues yan familian-ñiha magi gi i tano'-ta Guam.
Ma å'agang-maisa siha I Para Hita Todu na bos i "mayorihan mansilensio" tåtkumu ma sapopotte i minueben kantidå sa' put para u fan pribeni opottunidåt inadilånton ikunumiha siha. Lao ayu ma såsangan lokkue' nu este na gurupu na ti u ma tohgiyi puesto put asunton kinendenan tåno' osino asunton susiåt ni' ma pega ginen i manmeyeng, manggaitiningo' yan kontråriu siha put i hinatsa ni' sigi ha' ma eppok para u ma oppe. Sengklåru na i Para Hita Todu ma chochonnek i patten sibit yan i enteres i kumetsiånte siha, lao mistet debidi ta fan maggem put este kosaki ta fan priparao nu i ittemon i hinatsa ni' para ta fåna' piot sa' ti klåklaru lokkue' håfa finakpo'-ña.
Ilek-ñiha i Para Hita Todu na i hinatsa gi iya Guam, "u mås asigurao na inadilånton ikunumiha" ya i sapotten-ñiha na taotågues manhanånaomo'na enlugåt di u fanhanånaotåtte. Sigun ginen inadilånton ikunumiha yan mubimenton hinanao, debidi ta fan responsåpble ya mungnga na ta chule' ha' håfa bali-ña i fasu-ña ni' ta lili'e'. Gof piligru na para ta aksepta ha' i minueben militåt mågi gi i tano'-ta yanggen ti ta goftungo' håfa para ta sosodda' mo'na.
Yanggen ma fitma i petision i Para Hita Todu pues mannana'huyong hit mensåhi guatu gi i taotao-ta na manaprebao hit nu este na prinimeti ni' puru ha' sanme'nå-ña a'annok ya siempre despues ta fanhinengang ni' pumalu hiniyong-ña.
Maolek na guaha bos-ñiha i mayorihan mansilensio alos uttemo, lao ayu måtto gi i hinasso-ku i håfa na manmamatkikilu ha' desde ki i tutuhon? Håfa na ti manggonggong antes di este? Kao manma'å'ñao ha' lokkue' taiguini iya guåhu put i manmamaila' na tiempo yan i guinahan naturåt i tano' ni' u dañuyan?
Senmappot na para bai hu fitma este na petision yanggen bubula ha' kuestion siha ni' tåya' malago' u oppe ni' klåru para bai hu komprende ya siempre taimamamåhlao yu' yanggen bai hu ålok na hu sapopotte este na kinalamten yanggen ti siguru yu' nu i uttemo-ña na plånu para i manmamaila' na tiempo siha.
Gai piniligru este na hinatsa yanggen ti ta kuestiona. Ga'o-ku gonggong på'go ya bai hu famaisen kuestion siha astaki satisfecho yu' enlugåt di bai hu famatkikilu ha' ya bai hu saga gi i santatte ya bai hu nangga astaki guaha guaha ni' para u hongngang ha' yu'. Ilek-ñiha i Para Hita Todu na para u ma supok siha tåddong kontåtki u ma nangga håfa mås para u ma susedi. Lao empottånte lokkue' na u ma tungo' håfa para u ma sedi gi manmamaila' na tiempo ya este ti klåklaru ha' trabiha achokha' kuentos put kuentos ginen i manmå'gas fidiråt yan lugåt-ta ni' tatai fondo ha' desde på'go.
Na'manman lokkue' na i manmå'gas este na inetnon ma å'alok na siña hit manma cho'cho' maolek yan i gobetnamenton fidiråt yan i militåt ni' para u ayuda hit umadahi i irensiå-ta, lao ma sångan lokkue' na hita ha' ni' mismo CHamoru u para u kalamtini este na hinasso para i inadahen i kottura.
Put mås, mambanidosu na ma usa i fino' CHamoru para titulon i gurupu yan lokkue' fino' CHamoru ta'lo para i hinanao i petision ni' para u fanma eppok i manaotao tåno' na u ma fitma. Lebbok i titanos-hu na para u ma usa i fino' håya put para u ma ke'bense i taotao tåno' siha ni' gof dångkolo na insutto yan dañuyan para i lina'la'-måmi. Para guåhu, ti chilong i nina'setben fino' håya yan i entension este na gurupu ni' para u dibidi ham mås enlugåt di u na'fitme i sagan-måmi gi i enteru mundo.
Achokha' håfa na finiho' ma usa para u ma pula' este na petision, ti hu sapopotte i hinatsan militåt ya ti bai hu fitma i petision. Siña ha' ma ålok na humunånaotåtte yu' lao siempre i ñetu-hu siha u ma li'e' håfa kumeke'ilek-hu gi kåsi bente åños na såkkan siha gi manmamaila' na tiempo.
Imel Peter R. Onedera giya ponedera53@yahoo com.
Peter Onedera
GUAM PDN
June 21, 2011
Desdeki ha na'huyong i Navy i dukumenton DEIS yan FEIS, hu baba atadok-hu yan talanga-hu put bai hu ketungo' ineppe siha ni' para u fanma prisenta.
Put para kinahulo' tinaotao, bula debidi u fanma konsidera desdeki guinahan uriya asta asunton susiåt-ikunumiha, yan ayu empottante-ku sigun ginen finakpo' todu manma sångan yan manma cho'gue, håfa u sopbla ni' siempre u ma fåna' ni' taotao-ta. Hunggan, guaha prinimeti put kantidån cho'cho' ni' u guaha, lao kuånto gi iya hita u fanman miresi ni' ginen este na cho'cho' siha? Yan kao magåhet u fanma empleha I taotao tåtkumu manaotao este na tåno'?
Ti åpmam na tiempo tåtte, ha na'huyong kinalamten finetman petision i inetnon Para Hita todu para u fanma rikohi kinse mit na finetma siha ginen taotao Guam ni' sumapopotte i hinatsan i militåt. Ha anunsia i gurupu na ayu mision-ñiha i para u na'huyong mensåhi guatu gi i Konggresson na ha sapopotte iya Guam i minueben Marines, Army, Air Force yan Navy na taotågues yan familian-ñiha magi gi i tano'-ta Guam.
Ma å'agang-maisa siha I Para Hita Todu na bos i "mayorihan mansilensio" tåtkumu ma sapopotte i minueben kantidå sa' put para u fan pribeni opottunidåt inadilånton ikunumiha siha. Lao ayu ma såsangan lokkue' nu este na gurupu na ti u ma tohgiyi puesto put asunton kinendenan tåno' osino asunton susiåt ni' ma pega ginen i manmeyeng, manggaitiningo' yan kontråriu siha put i hinatsa ni' sigi ha' ma eppok para u ma oppe. Sengklåru na i Para Hita Todu ma chochonnek i patten sibit yan i enteres i kumetsiånte siha, lao mistet debidi ta fan maggem put este kosaki ta fan priparao nu i ittemon i hinatsa ni' para ta fåna' piot sa' ti klåklaru lokkue' håfa finakpo'-ña.
Ilek-ñiha i Para Hita Todu na i hinatsa gi iya Guam, "u mås asigurao na inadilånton ikunumiha" ya i sapotten-ñiha na taotågues manhanånaomo'na enlugåt di u fanhanånaotåtte. Sigun ginen inadilånton ikunumiha yan mubimenton hinanao, debidi ta fan responsåpble ya mungnga na ta chule' ha' håfa bali-ña i fasu-ña ni' ta lili'e'. Gof piligru na para ta aksepta ha' i minueben militåt mågi gi i tano'-ta yanggen ti ta goftungo' håfa para ta sosodda' mo'na.
Yanggen ma fitma i petision i Para Hita Todu pues mannana'huyong hit mensåhi guatu gi i taotao-ta na manaprebao hit nu este na prinimeti ni' puru ha' sanme'nå-ña a'annok ya siempre despues ta fanhinengang ni' pumalu hiniyong-ña.
Maolek na guaha bos-ñiha i mayorihan mansilensio alos uttemo, lao ayu måtto gi i hinasso-ku i håfa na manmamatkikilu ha' desde ki i tutuhon? Håfa na ti manggonggong antes di este? Kao manma'å'ñao ha' lokkue' taiguini iya guåhu put i manmamaila' na tiempo yan i guinahan naturåt i tano' ni' u dañuyan?
Senmappot na para bai hu fitma este na petision yanggen bubula ha' kuestion siha ni' tåya' malago' u oppe ni' klåru para bai hu komprende ya siempre taimamamåhlao yu' yanggen bai hu ålok na hu sapopotte este na kinalamten yanggen ti siguru yu' nu i uttemo-ña na plånu para i manmamaila' na tiempo siha.
Gai piniligru este na hinatsa yanggen ti ta kuestiona. Ga'o-ku gonggong på'go ya bai hu famaisen kuestion siha astaki satisfecho yu' enlugåt di bai hu famatkikilu ha' ya bai hu saga gi i santatte ya bai hu nangga astaki guaha guaha ni' para u hongngang ha' yu'. Ilek-ñiha i Para Hita Todu na para u ma supok siha tåddong kontåtki u ma nangga håfa mås para u ma susedi. Lao empottånte lokkue' na u ma tungo' håfa para u ma sedi gi manmamaila' na tiempo ya este ti klåklaru ha' trabiha achokha' kuentos put kuentos ginen i manmå'gas fidiråt yan lugåt-ta ni' tatai fondo ha' desde på'go.
Na'manman lokkue' na i manmå'gas este na inetnon ma å'alok na siña hit manma cho'cho' maolek yan i gobetnamenton fidiråt yan i militåt ni' para u ayuda hit umadahi i irensiå-ta, lao ma sångan lokkue' na hita ha' ni' mismo CHamoru u para u kalamtini este na hinasso para i inadahen i kottura.
Put mås, mambanidosu na ma usa i fino' CHamoru para titulon i gurupu yan lokkue' fino' CHamoru ta'lo para i hinanao i petision ni' para u fanma eppok i manaotao tåno' na u ma fitma. Lebbok i titanos-hu na para u ma usa i fino' håya put para u ma ke'bense i taotao tåno' siha ni' gof dångkolo na insutto yan dañuyan para i lina'la'-måmi. Para guåhu, ti chilong i nina'setben fino' håya yan i entension este na gurupu ni' para u dibidi ham mås enlugåt di u na'fitme i sagan-måmi gi i enteru mundo.
Achokha' håfa na finiho' ma usa para u ma pula' este na petision, ti hu sapopotte i hinatsan militåt ya ti bai hu fitma i petision. Siña ha' ma ålok na humunånaotåtte yu' lao siempre i ñetu-hu siha u ma li'e' håfa kumeke'ilek-hu gi kåsi bente åños na såkkan siha gi manmamaila' na tiempo.
Imel Peter R. Onedera giya ponedera53@yahoo com.
Thursday, March 17, 2011
Guamanian v. Chamorro
Chamorro versus Guamanian:
Terminology in Calvo speech draws criticism
Written by Brett Kelman
Pacific Daily News
March 16, 2011
Gov. Eddie Calvo apologized yesterday to any Chamorros who were offended by his word choice in his State of the Island speech, but he didn't apologize for his extensive use of "Guamanian."
During an interview yesterday, Calvo explained that he used the word Guamanian to include all residents of Guam -- regardless of their ethnicities. The term includes Chamorros, but not solely Chamorros, he said.
"We have Asian Guamanians, we have Filipino Guamanians and a host of people from other cultures," Calvo said yesterday. "These are people who are not Chamorro by birth, but they live here. They have made a home on Guam ..."
'Back of the bus'
During his 70-minute speech on Monday, Calvo used the word "Guamanian" six times as often as the word "Chamorro." After the speech, Democratic Sen. Ben Pangelinan said the Chamorro people were missing from the speech.
" ... It's sad we're relegated in our own homeland by our own governor to the back of the bus," Pangelinan told Pacific News Center in an interview after the speech.
Yesterday morning, Calvo took a call from a K-57 radio talk show on Pangelinan's comment. Calvo said on the show he apologized if anyone was offended by his speech.
"As a person, I don't like to offend people, so I feel bad about it," Calvo told the Pacific Daily News yesterday. "But I'm comfortable with what I said."
So what did he actually say?
According to a copy of the speech released by the governor's office, Calvo used the word "Guamanian" 26 times, but used only "Chamorro" four times.
All four uses of the word Chamorro were referencing ancient Chamorro communities, and one of those is a quote from the late Gov. Ricardo Bordallo.
Here is an example, where Calvo discussed the ancient village of Hila'an, which was recently returned to Guam's civilian communities by the federal government:
"The latte stones at Hila'an are remnants of what used to be," Calvo said in the speech. "Bring to life the illustration of those latte. They stood together on our western shores, with homes filled with Chamorros, prosperous and innovative."
In contrast, Calvo's statements using the word "Guamanian" are general references to the island's modern community as a whole, regardless of ethnicity. He also used the term "my fellow Guamanians" or "the Guamanian Dream."
For example, Calvo said: "The people of Guam want their tax refunds now. ... Paying the refunds in full, right now, will, without a doubt, solve the financial troubles of thousands of Guamanians."
Calvo also said he wanted to welcome Marines from Okinawa with "Hafa Adai, my fellow Guamanians."
Yesterday, when questioned more about his criticism, Pangelinan said he was troubled by the speech because Calvo spoke about Chamorros when he looked to the past, but spoke about Guamanians when he looked to the future.
Pangelinan said the perseverance of the Chamorro culture should have had a larger presence in the speech.
"In being all inclusive, to me it felt Chamorros were being excluded. That
really is how I felt. It's a gut reaction," Pangelinan said. "I really felt sad for the Chamorros. We just weren't relevant."
When referring to a common desire for tax refunds, it would have been more
appropriate to use "people of Guam," Pangelinan said.
The senator wasn't alone in his frustration.
Peter Onedera, a University of Guam Chamorro language professor, said he
listened to Calvo's speech on the radio, cringing every time the governor said "Guamanian."
Eventually, Onedera said he just turned the speech off, disgusted.
"In essence, the word Chamorros encompasses our indigenous roots," Onedera said. "To me the term Guamanians -- and Saipanese, Tinianese and Rotanese -- is a term that was given to us. And I would think it happened without our permission in the first place."
Not just indigenous
UOG political science professor Michael Stoil said yesterday that Calvo had no choice but to use Guamanian. Calvo governs all of Guam, not just the indigenous people, Stoil said.
"For him to replace the term and talk about the benefits of governments for Chamorros, or the need of governments to be responsive to Chamorros, that would be no different than a governor in the mainland saying that his government should be responsive to whites," Stoil said.
Terminology in Calvo speech draws criticism
Written by Brett Kelman
Pacific Daily News
March 16, 2011
Gov. Eddie Calvo apologized yesterday to any Chamorros who were offended by his word choice in his State of the Island speech, but he didn't apologize for his extensive use of "Guamanian."
During an interview yesterday, Calvo explained that he used the word Guamanian to include all residents of Guam -- regardless of their ethnicities. The term includes Chamorros, but not solely Chamorros, he said.
"We have Asian Guamanians, we have Filipino Guamanians and a host of people from other cultures," Calvo said yesterday. "These are people who are not Chamorro by birth, but they live here. They have made a home on Guam ..."
'Back of the bus'
During his 70-minute speech on Monday, Calvo used the word "Guamanian" six times as often as the word "Chamorro." After the speech, Democratic Sen. Ben Pangelinan said the Chamorro people were missing from the speech.
" ... It's sad we're relegated in our own homeland by our own governor to the back of the bus," Pangelinan told Pacific News Center in an interview after the speech.
Yesterday morning, Calvo took a call from a K-57 radio talk show on Pangelinan's comment. Calvo said on the show he apologized if anyone was offended by his speech.
"As a person, I don't like to offend people, so I feel bad about it," Calvo told the Pacific Daily News yesterday. "But I'm comfortable with what I said."
So what did he actually say?
According to a copy of the speech released by the governor's office, Calvo used the word "Guamanian" 26 times, but used only "Chamorro" four times.
All four uses of the word Chamorro were referencing ancient Chamorro communities, and one of those is a quote from the late Gov. Ricardo Bordallo.
Here is an example, where Calvo discussed the ancient village of Hila'an, which was recently returned to Guam's civilian communities by the federal government:
"The latte stones at Hila'an are remnants of what used to be," Calvo said in the speech. "Bring to life the illustration of those latte. They stood together on our western shores, with homes filled with Chamorros, prosperous and innovative."
In contrast, Calvo's statements using the word "Guamanian" are general references to the island's modern community as a whole, regardless of ethnicity. He also used the term "my fellow Guamanians" or "the Guamanian Dream."
For example, Calvo said: "The people of Guam want their tax refunds now. ... Paying the refunds in full, right now, will, without a doubt, solve the financial troubles of thousands of Guamanians."
Calvo also said he wanted to welcome Marines from Okinawa with "Hafa Adai, my fellow Guamanians."
Yesterday, when questioned more about his criticism, Pangelinan said he was troubled by the speech because Calvo spoke about Chamorros when he looked to the past, but spoke about Guamanians when he looked to the future.
Pangelinan said the perseverance of the Chamorro culture should have had a larger presence in the speech.
"In being all inclusive, to me it felt Chamorros were being excluded. That
really is how I felt. It's a gut reaction," Pangelinan said. "I really felt sad for the Chamorros. We just weren't relevant."
When referring to a common desire for tax refunds, it would have been more
appropriate to use "people of Guam," Pangelinan said.
The senator wasn't alone in his frustration.
Peter Onedera, a University of Guam Chamorro language professor, said he
listened to Calvo's speech on the radio, cringing every time the governor said "Guamanian."
Eventually, Onedera said he just turned the speech off, disgusted.
"In essence, the word Chamorros encompasses our indigenous roots," Onedera said. "To me the term Guamanians -- and Saipanese, Tinianese and Rotanese -- is a term that was given to us. And I would think it happened without our permission in the first place."
Not just indigenous
UOG political science professor Michael Stoil said yesterday that Calvo had no choice but to use Guamanian. Calvo governs all of Guam, not just the indigenous people, Stoil said.
"For him to replace the term and talk about the benefits of governments for Chamorros, or the need of governments to be responsive to Chamorros, that would be no different than a governor in the mainland saying that his government should be responsive to whites," Stoil said.
Friday, January 14, 2011
Kuatton Riferensian Fino' Chamoru
Ginnen Si Sinot Pedro Onedera, Profesot Fino' Chamoru giya i Unibetsedat Guahan:
Ma agågangi hao
Your presence is requested
Para un atendi i
to attend the
Siremoñan Initot Leston
para i
Kuåtton Rifirensian Fino’ CHamoru
CHamoru Language Reference Room
Ribbon Cutting Ceremony
gi Sabalu, diha 15 gi Ineru 2011
on Saturday, January 15, 2011
Gi alas 3 gi despues di talo’åni
3:00 p.m.
gi iya Unibetsedåt Guåhan
held at the University of Guam
Sentan Inilao Lugåt Maikrunisia
Micronesia Area Research Center
Prinisenta nu i:
Presented to you by:
Klas Inentalo’ 2010 CHamoru Ilimentåriu II
2010 Elementary CHamoru II Intercession Class
*****************
Students enrolled in the Fall Intercession class of CM102 Elementary Chamorro II class at the University of Guam have established a Chamorro Language Documents Reference Room at the Micronesian Area Research Center.
For decades, emphasis has been on the acquisition of Spanish language documents that have been housed at the center says assistant professor of Chamorro language, Peter R. Onedera
Little effort has been done to collect documents too that have been written in the Chamorro language and it is timely that the same consideration be given to archive many works that have gone unnoticed and uncollected through the years.
One chief aim for the project is to make available these written works to researchers who will devote time to the linguistic value of the indigenous language.
Additional areas that can benefit are orthography, semantics, word origins, antecedents, grammar, lexicons, and other language areas vital to the survival of Chamorro as a member of the Austronesian family of languages. Onedera says this has largely been lacking in the field of academia and the collection of written works in the Chamorro language will prove valuable as many researchers, particularly the Chamorro Linguistics International Network that was established with Dr. Robert A. Underwood, Rosa Salas Palomo and Onedera as original founding members.
The organization is based at the University of Bremen in Germany and includes members from many countries spanning Europe to the Caribbean, the United States and Asia.
Individuals, organizations, government agencies, private owners and collectors of Chamorro language memorabilia, as well as those now living in the mainland United States are invited and encouraged to provide copies that range from personal letters, journals, diaries, essays, compositions, books, poetry, lyrics, music, chants, proverbs, booklets, brochures, annual reports, manuscripts, political pamphlets, posters, project proposals, recipes, medicinal and herbal treatment, historical anecdotes, advertisements, legends, myths, stories, public events, organizational charts, ceremonies, religious activities, family tree information, novena books, bibles, guidebooks and other literary materials that are written in Chamorro and can be housed in the reference room at MARC.
This appeal is also extended to the Commonwealth of the Northern Marianas and those living around the globe says Onedera.
Anyone wishing to contribute to the project may email Onedera at onedera@uguam.uog.edu or ponedera53@yahoo.com. His office phone number is 1-671-735-2808.
Ma agågangi hao
Your presence is requested
Para un atendi i
to attend the
Siremoñan Initot Leston
para i
Kuåtton Rifirensian Fino’ CHamoru
CHamoru Language Reference Room
Ribbon Cutting Ceremony
gi Sabalu, diha 15 gi Ineru 2011
on Saturday, January 15, 2011
Gi alas 3 gi despues di talo’åni
3:00 p.m.
gi iya Unibetsedåt Guåhan
held at the University of Guam
Sentan Inilao Lugåt Maikrunisia
Micronesia Area Research Center
Prinisenta nu i:
Presented to you by:
Klas Inentalo’ 2010 CHamoru Ilimentåriu II
2010 Elementary CHamoru II Intercession Class
*****************
Students enrolled in the Fall Intercession class of CM102 Elementary Chamorro II class at the University of Guam have established a Chamorro Language Documents Reference Room at the Micronesian Area Research Center.
For decades, emphasis has been on the acquisition of Spanish language documents that have been housed at the center says assistant professor of Chamorro language, Peter R. Onedera
Little effort has been done to collect documents too that have been written in the Chamorro language and it is timely that the same consideration be given to archive many works that have gone unnoticed and uncollected through the years.
One chief aim for the project is to make available these written works to researchers who will devote time to the linguistic value of the indigenous language.
Additional areas that can benefit are orthography, semantics, word origins, antecedents, grammar, lexicons, and other language areas vital to the survival of Chamorro as a member of the Austronesian family of languages. Onedera says this has largely been lacking in the field of academia and the collection of written works in the Chamorro language will prove valuable as many researchers, particularly the Chamorro Linguistics International Network that was established with Dr. Robert A. Underwood, Rosa Salas Palomo and Onedera as original founding members.
The organization is based at the University of Bremen in Germany and includes members from many countries spanning Europe to the Caribbean, the United States and Asia.
Individuals, organizations, government agencies, private owners and collectors of Chamorro language memorabilia, as well as those now living in the mainland United States are invited and encouraged to provide copies that range from personal letters, journals, diaries, essays, compositions, books, poetry, lyrics, music, chants, proverbs, booklets, brochures, annual reports, manuscripts, political pamphlets, posters, project proposals, recipes, medicinal and herbal treatment, historical anecdotes, advertisements, legends, myths, stories, public events, organizational charts, ceremonies, religious activities, family tree information, novena books, bibles, guidebooks and other literary materials that are written in Chamorro and can be housed in the reference room at MARC.
This appeal is also extended to the Commonwealth of the Northern Marianas and those living around the globe says Onedera.
Anyone wishing to contribute to the project may email Onedera at onedera@uguam.uog.edu or ponedera53@yahoo.com. His office phone number is 1-671-735-2808.
Subscribe to:
Posts (Atom)